საქართველოს - ხელისგულისოდენას,
კი არ ვეტრფი, არც ვიტკივებ, ვითმენ…
პირჯვარსა სწერს ივერიის სანახებს
მთასა ზედა ფერნაცვალი ქრისტე.
გულში უფლის კვართჩაკრული ქალწული
შეუნახავს სვეტიცხოვლის წარსულს…
მეც იმგვარი სიყვარული ჯვარცმულის
მინდა მქონდეს, როგორც მცხეთელ ასულს.
დასავლეთში უფლის დედის პერანგი
ასვენია,
ელოდება მლოცველს…
ვერ გხედავ და კვლავ ჯიუტად გეძახი,
შენს ნაკვალევს დაგეშილი მოვსდევ…
ჩემს სამშობლოს - „დევებისგან ნამუხლარს”,
კი არ ვეტრფი,
არც ვიტკივებ,
ვითმენ…
და პირჯვარს სწერს ივერიის სანახებს
მთასა ზედა ფერნაცვალი ქრისტე…
/ ნინიკო მშვიდობაძე/
No comments:
Post a Comment